Како го започнува денот на Синди Крафорд: утринска рутина која ѝ помага и во шеста деценија да изгледа блескаво и витално

Кога станува збор за Синди Крафорд, прочуената супер модел икона која ја обележа модата во осумдесетите и деведесетите години, се чини дека годините навистина имаат сосема поинакво значење.

Неодамна го прослави својот 60-ти роденден, а нејзиниот изглед и енергија сè уште оставаат впечаток на речиси непроменета убавина поради која некогаш доминираше на модните писти.

Сега одлучи да сподели дел од своето секојдневие со своите следбеници и да покаже како изгледа утрото што и помага да задржи свежина на кожата, витка линија и ментален баланс. Нејзината утринска рутина, како што вели, трае околу два и пол часа и го претвора почетокот на денот во вистински мал ритуал за самоодржување.

На социјалните мрежи, особено на TikTok и Instagram, Синди објави видео во кое открива како го започнува денот. „Ја обожавам мојата утринска рутина затоа што веднаш ме поставува во правилно расположение за целиот ден“, напиша во описот на објавата.

Денот го започнува многу рано – околу шест часот наутро. Камерата ја фаќа како се буди и нежно се протега во креветот, облечена во деликатна сатенска спална кошула. После тоа станува и започнува сухо четкање на кожата, популарна техника што го стимулира крвтокот и нежно ги отстранува мртвите клетки од површината на кожата. Истовремено, преку апликација слуша аудио верзија на Евангелието, со што го започнува денот во мирна, медитативна состојба.

Околу пола седум преминува на нега на лицето. Со помош на гуа ша камен масира кожа користејќи средство за чистење од својата козметичка линија коja ja развива веќе повеќе од две децении заедно со францускиот дерматолог Жean-Луи Себаг. Оваа рутина, како што истакнува, не е само прашање на убавина туку и на самодоверба. Кога жената се чувствува добро во својата кожа, тоа се гледа во начинот на кој се движи и се носи.

После негата на лицето преминува на низа технолошки убавински ритуали. На главата поставува Capillus Laser Cap, уред што користи црвена светлина за стимулација на раст на коса. Истовремено седи на Bemer подложка што функционира со помош на микроструи и, според производителите, може да придонесе за подобра циркулација и релаксација на мускулите. Тука е и луксузниот уред за нега на кожа – The Wand на брендот Керен Бартов, апарат вреден околу 2.000 евра што користи светлосна терапија за зацврстување и ревитализација на кожата.

Во седум часот следи мал, но моќен ритуал за благосостојба – чаша јаболков оцет. Иако вкусот очигледно не и е омилен, Синди верува во неговите придобивки. Потоа излегува во дворот на својата импресивна куќа во Мајами Бич, вредна околу десет милиони долари, каде живее со сопругот Ренди Гербер.

Таму практикува таканаречен grounding – одење боси по тревата, за кое многумина веруваат дека помага на телото да се поврзе со природата и да го намали стресот. После кратката прошетка го симнува лесниот домашен мантил и минува околу петнаесет минути релаксирајќи се во топлиот џакузи. Без шминка, насмеана и целосно природна, пред камерата го покажува лицето што сè уште зрачи со здрав сјај.

Потоа повторно излегува во дворот, а потоa облекува тесна спортска облека. Приготвува кафе збогатено со колаген и накратко поминува во домашната канцеларија за да ги провери мејловите и да го започне работниот ден.

Точно во осум часот оди во приватната теретана што е дел од куќата. Тренингот започнува со лесно растегнување на теписонот, потоа користи инверзиона маса – справа што овозможува растегнување на телото во обратна положба – а потоа скача на мини-трамплин за да го забрза пулсот и ги загрее мускулите пред Pilates тренингот со личен инструктор.

Pилатес е, како што често истакнува, нејзин омилен облик на вежбање. Го смета за елегантен и женствен начин за одржување на телото силно и флексибилно, а особено му годи затоа што се лесно прилагодува дури и кога се појавуваат помали болки во грбот или зглобовите.

Кога зборува за тоа како ја одржува формата, Синди нагласува дека не постои само една тајна. За неа, клучот е во комбинација на неколку навики: редовна нега на кожа, сува четкање на тело, повремени постови, квалитетна исхрана и доследна физичка активност.

Во тренинг рутината обично комбинира дваесетина минути кардио вежби со вежби за сила три пати неделно – како што се чучњеви, искораци и вежби за раце. Во нејзиниот дом има и сауна што често ја користи како дел од ритуалите за благосостојба.

Што се однесува до исхраната, избегнува глутен, шеќер и индустриски преработени намирници, додека предност дава на едноставни, природни оброци. Сепак, истакнува дека младешкиот изглед не зависи само од физичката грижа за телото.

За неа, менталното здравје е исто толку важно. Како што еднаш рече во подкаст, дел од грижата за здравјето е и чувството дека одвојуваме време за себе и дека си посветуваме внимание. Кога жените се чувствуваат добро во својата кожа, вели таа, тогаш имаат повеќе самодоверба и се подготвени да преземат иницијатива во животот.

Уште една навика што често ја практикува е повремениот пост. Кога е дома, обично го прескокнува појадокот и го зема првиот оброк околу десет часот наутро – дури откако ќе го заврши утринскиот тренинг.

Можеби токму во таа комбинација на дисциплина, самоодржување и едноставни ритуали е скриена тајната зошто Синди Крафорд и понатаму изгледа исто толку импресивно како во деновите кога беше апсолутна кралица на модните писти.