Дали сфинкс мачката навистина сака вода? Одговорот ќе ве изненади!

На врвот од листата на бездлакви мачки се наоѓа познатата раса сфинкс.

Иако на прв поглед може да изгледа малку чудно без ниедно влакно на своето тело, оваа мачка е всушност многу милина и приврзана кон својот сопственик. Карактеристично за неа е големата чувствителност на кожата која се појавува поради недостатокот на влакна, поради што се препорачува нејзиното одгледување исклучиво во куќа. Но, што е со обичаите на капење на оваа раса?

Можеби сте налетале сурфајќи по интернетот на интересни снимки на овие мачки како се играат во када полна со сапуница. Тоа можеше да биде големо изненадување, бидејќи мачките генерално не се љубители на вода, поради тоа што не толерираат мокро крзно што им го отежнува движението. Но, бидејќи оваа мачка нема крзно, дали е разумно да се претпостави дека сака вода?

Навистина, како и повеќето мачки, сфинкс мачките не ја обожаваат претерано водата, но бидејќи немаат влакна, за да им остане кожата здрава, тие бараат често капење и чистење. Заради тоа, ретко може да се види оваа раса со силна аверзија кон водата, бидејќи сопствениците на овие мачки се обидуваат од мала возраст да ги навикнат на чести капења. Значи, иако не е можно да се каже дека ги обожаваат капењата, сфинкс мачките научиле да ги толерираат.

Затоа, јасно е дека овие мачки не се типични домашни мачки со густо и меко крзно. Поради фактот дека оваа раса нема влакна, таа бара посебна нега на кожата. Бидејќи немаат крзно за да ги заштити од студот, ниту за да им помогне при ладење во текот на топлите летни денови, сфинкс мачките се потпираат на своите сопственици да им помогнат во тоа. Покрај тоа, недостатокот на влакна ги прави нивните кожи мрсни и потни, што значи дека лесно стануваат вистински магнет за нечистотија, прашина и честички од полен.

Сфинкс мачката бара капење најмалку еднаш неделно, а ветеринарите препорачуваат да не користите премногу топла вода во текот на тој ритуал, бидејќи може да доведе до сушење на кожата и изгореници. Потребно е да пронајдете медицински шампон, кој е особено дизајниран за бездлакви мачки. Исто така, важно е избраниот производ за капење да биде без мирис, бидејќи во спротивно, тој може да ја одбие мачката.

Покрај капењето, за сфинкс расата е потребен и балзам за кожата, за таа да остане мека, еластична и здрава. Најдобри препораки за производи за нега на кожата на вашата мачка ќе ги добиете од вашиот ветеринар.