Каква е поврзаноста меѓу производите за коса и ракот на дојка

Како производите за коса можат да бидат поврзани со рак на дојка

Новото истражување укажува на тоа дека одредени третмани за коса може да го зголемат ризикот од развој на рак на дојка.

Од пречесто бојосување, па до користење електронски цигари, постојат различни навики што можат да придонесат за зголемување на ризикот од оваа болест. Една работа што можеби не ви паѓа на ум – производите за коса што ги користите секојдневно.

Истражувањата покажале дека одредени третмани за коса можат да бидат поврзани со зголемен ризик од појава на рак на дојка. Најновата студија, објавена во списанието International Journal of Cancer, откри дека жените кои користат трајни бои за коса и хемиски средства за исправување коса се изложени на поголем ризик од развој на оваа болест.

Истражувачите ги анализирале податоците од голема тековна студија која вклучувала речиси 47.000 жени кои немале дијагностицирано рак на дојка, како и нивни пријателки што биле дијагностицирани. Жените, на возраст од 35 до 74 години, при вклучување во студијата одговарале на прашања за нивното здравје и животни навики, вклучувајќи ја и употребата на производи за коса. Потоа ги ажурирале податоците за нивното здравје и начин на живот во просек осум години подоцна.

Севкупно, резултатите покажуваат дека жените што користеле трајна боја за коса имале за 9 проценти поголема веројатност да развијат рак на дојка во споредба со оние што не ги користеле тие производи. Истражувачите исто така откриле и можен линк меѓу користењето хемиски средства за исправување коса (како на пример кератински третмани) и ризикот од рак на дојка. Податоците покажуваат дека употребата на вакви хемикалии е поврзана со 18% зголемен ризик, додека кај жените кои пријавиле користење на овие средства на секои пет до осум недели, ризикот се зголемувал до 30%.

Сепак, студијата има и одредени ограничувања. Како што истакнуваат самите автори, сите учеснички имале семејна историја на рак на дојка, што значи дека резултатите можеби не важат за жени кои немале таква семејна позадина. Исто така, податоците за користењето производи за коса биле доставени врз основа на самоиницијативно пријавување од страна на учесничките, што може да доведе до неточности и искривени наоди, предупредуваат истражувачите.

Со оглед на сето ова, експертите заклучуваат дека е потребно спроведување на дополнителни темелни истражувања за да се утврди појасна и потврдена врска меѓу производите за коса и појавата на рак на дојка.