Зошто е добро да се имаат пријатели со авантуристички дух?

Да видиме што донесуваат авантуристите во нашиот живот

„Животот е голема авантура или ништо“, рекла Хелен Келер, а ние целосно се согласуваме со неа.

Пријателите со авантуристички дух нѐ прават посреќни. Тоа се оние луѓе со кои ги делиме и големите и малите авантури. Ги викаме кога сакаме акција, а тие секогаш се подготвени да ги прифатат нашите идеи. Патувањата се убави, но уште поубави се кога ги споделуваме со вистинските луѓе – оние кои ја извлекуваат најдобрата верзија од нас, со кои сме опуштени. Тие нѐ мотивираат, го прават животот повозбудлив, полесен и позабавен.

Авантуристите често привлекуваат слични луѓе – спонтани, весели, активни. Тоа се личности кои ќе станат среде ноќ за да одат со нас на врв од рид и да го гледаат изгрејсонцето, или ќе влезат во автомобил и ќе заминат кон некое непознато место.

Зошто е добро да имаме авантуристи во животот?

Тие ни го зголемуваат самодовербата

Нè поттикнуваат да пробаме нешто ново и не дозволуваат да западнеме во сива рутина. Заедно со нив уживаме во нови доживувања, нѐ полнат со животна енергија и благодарение на нив стануваме посигурни во себе.

Тие ја поттикнуваат нашата креативност

Со нив откриваме нови идеи, пробуваме нешта што никогаш порано не сме ги направиле и ѝ даваме простор на сопствената креативност.

Авантуристите нѐ прават посреќни

„Кажи ми со кого се дружиш, и ќе ти кажам кој си“ – толку вистината. Ако времето го поминуваме со активни луѓе, и ние ќе станеме такви. Секојдневието ни е ограничено, па не можеме да бидеме во контакт со сите. Затоа намалуваме контакт со оние што нѐ оптоваруваат и повеќе време минуваме со тие што нѐ охрабруваат да бидеме активни и среќни.

Создаваме заеднички спомени

Непроценливо е чувството да имаме луѓе со кои можеме да споделиме незаборавни моменти, кои со нас ќе се паметат со насмевка до крајот на животот.