Мик Џегер и свршеницата помлада од него 44 години – доказ дека љубовта нема правила

Мик Џегер, вечниот бунтовник на рокенролот, и неговата партнерка Мелани Хемрик повторно ја освоија вниманието на јавноста – и тоа на најгламурозен можен начин.

Легендарниот фронтмен на Ролинг Стоунс, кој и на 82-годишна возраст пркоси на времето (и на гравитацијата), се појави со својата 38-годишна свршеница на есенската модна вечер на Њујоршкиот балет, настан каде уметноста и стилот се преплетуваат во совршенство.

Парот, кој ретко имаме можност да го видиме заедно, изгледаше како вистинска холивудска бајка – Мик во црн сако од сомот и кошула со цветен дезен, а Мелани во црвена сатенска тоалета со висок шлиц до бут, нагласувајќи ја нејзината грациозност и беспрекорна фигура. Сите погледи беа вперени кон нив – затоа што, да бидеме искрени – кога Џегер ќе влезе во просторија, енергијата веднаш се менува.

Нивната љубовна приказна започна во 2014 година, зад сцената на еден концерт на Ролинг Стоунс, токму кога Мелани беше на врвот на својата балетска кариера. Како примабалерина на American Ballet Theatre во Њујорк, таа помина 15 години на сцена, посветувајќи се на дисциплината и совршенството што само танцот може да ги бара. Во 2019 година се повлече од активниот танц за да се посвети на пишување и на нивниот син Деворо, кој се роди во 2016 година.

Во интервју за списанието Paris Match, Мелани откри дека се свршиле „пред две или три години“, но дека не брзаат со венчавање. „Можеби ќе се венчаме, можеби не. Среќни сме вака и не би менувала ништо,“ изјави таа со насмевка која открива целосна животна рамнотежа.

На прашањето за разликата во години – цели 44 години – Мелани даде одговор што замолкна многумина: „Дали сум среќна? Да. Дали се среќни луѓето што ги сакам? Да. Дали повредувам некого? Не. Значи, другите нека си се занимаваат со своите животи.“ Елегантно, остроумно и со доза став – токму како и секоја жена што ја знае својата вредност.

Мик Џегер, чие љубовно досие вклучува имиња како Бијанка Џегер и Џери Хол, е татко на осум деца, од кои најстарото има 54 години. И покрај сè, неговата енергија останува подеднакво легендарна – исто како и неговата насмевка, која не познава години.