Живот без секс: помалку сјај, повеќе стрес – и уште 7 изненадувања

Сексуалната активност не е само телесно задоволство – таа игра клучна улога и во нашето психолошко здравје и благосостојба.

Причините поради кои некој прави пауза од секс можат да бидат најразлични – од лични избори, бременост и здравствени состојби, па сѐ до стрес и емоционални трауми. Сите овие одлуки се целосно легитимни и треба да се почитуваат. Но, дури и кога нема сексуална активност, телото продолжува да функционира – со некои промени кои вреди да се имаат на ум. Еве што покажуваат научните истражувања:

Недостаток на хормоните на среќата

Сексот ослободува окситоцин и ендорфини – хормони што создаваат чувство на релаксација и еуфорија. Кога тие недостигаат, можат да се појават нервоза, раздразливост и дури блага потиштеност.

Кожата го губи сјајот

Подобрата циркулација при секс го разубавува тенот. Кога оваа активност недостасува, кожата може да изгледа посува и да ја изгуби еластичноста.

Стресот се зголемува

Сексот е природна антистрес терапија. Во негово отсуство, се зголемува количеството на кортизол – хормонот на стрес, што долгорочно може да влијае негативно врз општата состојба на организмот.

Крвниот притисок расте

Редовната сексуална активност позитивно влијае на срцето и крвните садови. Истражувањата покажуваат дека оние кои често имаат секс имаат понизок крвен притисок.

Пад на либидото

Колку поретко се има секс, толку помала станува и желбата за него. Комбинацијата од хормонални и психолошки фактори доведува до намалена сексуална енергија.

Намалена физичка кондиција и флексибилност

Сексот е и физичка активност – придонесува за издржливост и рамнотежа. Без него, телото полека ги губи овие мали, но важни придобивки и побрзо се изморува.

Зголеменo чувство на осаменост

Недостигот на интимност може да предизвика чувство на изолираност и да влијае врз самодовербата.

Влијание врз менструалниот циклус

Кај жените, прекинот со сексуална активност може да влијае на хормоните што го регулираат циклусот и да доведе до нередовна менструација.

Зголемен ризик од здравствени проблеми

Редовниот секс е поврзан со понизок ризик од кардиоваскуларни заболувања и хормонални нарушувања. Без него, телото губи дел од таа природна заштита.

Заклучок: Апстиненцијата е лична одлука и во тоа нема ништо лошо. Најважно е човек да биде свесен како влијае на телото и душата – и да најде други начини на блискост, допир и поврзаност што му одговараат.