Цеца откри која пејачка би сакала да ја види во жирито на Ѕвездите на Гранд

Објавено: 02/09/2025

Фотограф: Иван Вучиќевиќ

Денес, на 2 септември, на Кошутњак продолжи снимањето на „Ѕвездите на Гранд“, а меѓу првите кои пристигнаа беше музичката дива Цеца Ражнатовиќ.

Член на нејзиниот тим ја довезе до студиото, а пејачката излезе од автомобилот насмеана и елегантна, облечена целосно во црно. Одбра долги панталони со широк крој и висок струк и црна маичка со едно рамо, а стајлингот го надополни со високи потпетици и впечатлив накит.

Посебно внимание привлекоа големото ѓерданче и масивните обетки од истата колекција, со необичен облик што веднаш го фаќа погледот.

Цеца им откри на присутните новинари дека снимањето на првата емисија поминало одлично:

– Одлично сум, одлично помина првото снимање. Дара е многу забавна, сме пријателки 30 години и не очекував ништо помалку од неа. Очекувам шоу од Кеба и Дара, и него одамна го познавам. Јас сум тука да ја распалам атмосферата, тоа им е забавно на луѓето – изјави Цеца.

Потоа се осврна и на колегите кои овојпат не се дел од жирито:

– Ми недостигаат Вики, Марија и Босанац, се надевам дека ќе им биде супер. Марија недостасува, таа се уште нема потпишано договор, а би сакала да се врати. Таа самата кажа дека сака пауза и дека сака да му се посвети на детето, јас искрено би сакала да се врати.