ЗАБЛЕСКАЈТЕ КАКО ЕН ХАТАВЕЈ: ТАЈНИТЕ НА СОВРШЕНАТА КОЖА НА ХОЛИВУДСКАТА ДИВА
Кога вечната модна муза и икона на гламурот, Ен Хатавеј, зачекори на годинешниот МЕТ Гала бал, сите се воодушевија – фасцинирани од нејзината порцеланска кожа, елегантната фризура со волумен и совршената комбинација на кошула и здолниште од Каролина Ерера, инспирирана од легендарниот моден уредник Андре Леон Тали.
Но она што остави најголем впечаток беше нејзината сјајна, беспрекорно негувана кожа – резултат на години дисциплина и стручна нега.
За нејзиниот беспрекорен тен заслужна е Су-Ман, славна естетичарка која со години го води грижата за лицето на Ен Хатавеј. Во ексклузивно интервју, Су-Ман ги открива златните правила за негувана кожа – рутини кои секоја жена може да ги следи, без разлика на возраста или типот на кожа.
1. МАСАЖА ЗА ВРЕМЕ НА ЧИСТЕЊЕ – РИТУАЛ ЗА МЛАДЕЖКИ ИЗГЛЕД
„Никогаш не ја прескокнувајте масажата! Само две и пол минути наутро и исто толку навечер можат целосно да ја трансформираат вашата кожа“, вели Су-Ман. Препорачува користење на гуа ша камен при чистење, а потоа нанесување тоник, серум, крема за очи и хидратантна крема – сè со нежни движења кои ја подигаат кожата.
2. ДВИЖЕЊЕТО Е ЕЛИКСИР НА МЛАДОСТА
„Движењето е живот,“ вели Су-Ман, поранешна балерина која секојдневно вежба цигун и таи чи, но нагласува дека секоја физичка активност што ви носи радост – од јога до обична прошетка – придонесува за физичка и ментална рамнотежа, а тоа директно се одразува и на изгледот на кожата.
3. ПИЛИНГ ПЛУС ХИДРАТАЦИЈА – ТАЈНАТА НА СЈАЈОТ
„Еднаш до двапати неделно користете нежен пилинг, потоа тоник, серум и завршете со хидратантна маска која треба да остане на лицето 15 минути,“ советува Су-Ман. По маската, нанесете крема за очи и богата дневна или ноќна крема. „Имам 60 години и сега грижата за кожата е поважна од кога било“, искрено додава.
4. НЕ ГО ЗАБОРАВАЈТЕ SPF – ЗАШТИТАТА Е КЛУЧНА
„Моите клиентки кои ја избегнуваат сончевата светлина имаат најблескава кожа,“ вели Су-Ман. Сепак, таа потенцира важноста од балансирано изложување на сонце – секогаш со задолжителна дневна заштита со крема со заштитен фактор, не само на лицето, туку и на вратот, деколтето и рацете.
5. МАСКА НАУТРО – ИНСТАНТ СВЕЖИНА
Заборавете на маските пред спиење. Су-Ман препорачува да се користат наутро, бидејќи ѝ даваат на кожата енергија, освежување и природен сјај – совршена подлога за остатокот од денот.
6. ДИСЦИПЛИНА И КОНЗИСТЕНТНОСТ – БЕЗ НИВ НЕМА ЧУДО
„Не можете да отидете во теретана еднаш месечно и да очекувате резултати – истото важи и за кожата“, истакнува Су-Ман. Секојдневната рутина, дури и ако е кратка, е вистинскиот клуч за долготрајна убавина.
