Областа Тесалија е зафатена од невремето „Даниел“, кое во моментов беснее во Грција, па Волос, полуостровот Пелион и Скијатос останаа парализирани поради поплавите предизвикани од обилните врнежи.
Грчката полиција упати предупредување до граѓаните да го ограничат движењето на подрачјето на Пиерија, Тесалија, Споради, Евија и Фтиотис.
За жал, невремето ја однесе првата жртва, човек кој го загуби животот кога врз него падна ѕид во областа Агиос Георгиос во Волос. Исчезнат е и 42-годишниот возач на автомобилот што го однесе надојдениот поток Агиа Екатерини.
Грчката полиција го прекина сообраќајот во поширокото подрачје на градот Волос, полуостровот Пелион и планинскиот регион Магнезија и издаде предупредување дека моменталните временски услови се екстремно опасни.
Ν.Ιωνία πριν λίγο pic.twitter.com/qb9HG3nmy2
— Sliver_Alert (@Sliver_Alert) September 5, 2023
Граѓаните од областа погодена од силно невреме добија предупредувачки пораки да не ги напуштаат своите домови, а државните и јавните служби во Тесалија денеска ја прекинаа работата.
Најтешка ситуација во моментов е во Волос, особено во центарот на градот каде сите патишта се поплавени, а стотици автомобили се заглавени на улиците.
На јужен Пелион, одморалиштето Милини е целосно поплавено и без струја. Градоначалникот на Волос, Ахилеас Беос и регионалниот гувернер на Тесалија, Костас Агорастос, продолжуваат да упатуваат континуирани апели до граѓаните да останат во своите домови и да останат во своите домови додека не се смири невремето.
