Нафтен склад во рускиот град Белогорд во пожар – Русите обвинуваат дека станува збор за украински напад

Магацин за нафта во рускиот град Белгород вивнал во пламен, а регионалниот гувернер Вјачеслав Гладков ја обвинува украинската армија дека извршила воздушен напад со помош на два хеликоптери.

Тој претходно изјави дека двајца се повредени, но не се во животна опасност. Жителите од околните улици се евакуирани додека пожарникарите се справуваат со пожарот, рече тој.

Insane. The fire at the oil facility in Belgorod was reportedly a result of an attack by two Ukrainian helicopters apparently firing S-8 rockets. https://t.co/kx5wDfJ88C pic.twitter.com/HhHkirNJWk

— Rob Lee (@RALee85) April 1, 2022

Руската државна агенција РИА Новости објави дека горат осум цистерни со гориво во магацинот, а постои закана пожарот да зафати уште осум.

An oil depot is on fire in #Belgorod, #Russia.

“The emergency services went to the place of fire, measures are being taken to eliminate it”, said Gladkov, the governor of the region in his Telegram channel. pic.twitter.com/ey7rC5ChSz

— NEXTA (@nexta_tv) April 1, 2022

Ова се случува само два дена откако во регионот, исто така, се случија експлозии во објект за складирање оружје.

Украина засега не презеде одговорност за ниту една од експлозиите. Огромни облаци чад се гледаат на видеото што на Твитер го објави Некста.

Белгород се наоѓа на околу 30 километри од украинската граница и 60 километри од украинскиот град Харков, кој е бомбардиран од руските трупи од почетокот на војната.