Во престрелка кај скопско Шишево убиено едно лице

Според извештајот на СВР Скопје, вчера околу 02 часот во овој сектор било прјавено дека во Клиничка болница „Систина” од страна на С.Т. (24) од с .Шишево биле донесени со повреди А. А. (20) и Г. А. (36), сите од с.Шишево.

Според пријавеното, тројцата се движеле со возило „БМВ”, а пред нив се движело возило „Мерцедес”, управувано од Е.Ш. од с.Шишево, со кого претходно имале расправии.

Според пријавеното, на влезот во с.Шишево возилото „Мерцедес” застанало до патот, а по него запрел и Г.А., кој го управувал возилото „БМВ”. Е.Ш. и Г.А. излегле од возилото и почнале да се расправаат, по што Е.Ш. со пиштол пукал кон Г.А., а потоа и кон А.А..

С.Т. ги пренел А.А. и Г.А. во болницата „Систина”, каде А.А. починал. Се преземаат мерки и активности за расчистување на случајот.