За влез во Македонија на ГП „Табановце“ се чека околу еден час, за излез од земјава на ГП „Богородица“ се чека 40 минути


Одиме јако! Не чека ЛУД викенд! ↓↓↓


И утрово на граничните премини за влез и излез од Македонија има умерен застој.

На ГП „Табановце” изутринава времето на чекање за влез во државата е околу еден час, а на ГП „Богородица” за излез од државата се чека околу 40 минути.

На останатите гранични премини, од македонска страна, нема подолги задржувања за влез и излез од државата, информира АМСМ.

Интензитетот на сообраќај на патните правци надвор од градските средини е зголемен.

Сообраќајот на државните патишта се одвива непречено, по суви коловози.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.