Еден од најпознатите холивудски актери Џорџ Клуни ќе го тужи француското списание Voici кое објавило фотографии од близнаците, но без дозвола на семејството.
„Минатата недела фотографи од ова списание се префрлиле преку оградата, се качиле на дрво и ги снимале бебињата без наша дозвола. Бидете сигурни дека фотографите, фотографската агенција и списанието ќе бидат дадени на суд, бидејќи станува збор за безбедноста на нашите деца”, порача Клуни.
На насловната страница на најновиот број на списанието Voici се појави фотографија на Клуни и неговата сопруга Амал , како држат во раце едно од близначињата кои се родија на почетокот на јуни.
