Во Старата скопска чаршија урнат e објектот „Шар”, кој беше споменик на културата под заштита. Власта треба да одговори зошто дозволи да биде урнат и што ќе се гради на негово место, праша ВМРО-ДПМНЕ во објава на Фејсбук-страницата на партиската Комисија за култура.
„Објектот „Шар”, лоциран во Старата скопска чаршија, е урнат до темел, а во моментов на негово место никнува нов објект, без соодветно означена информација, којашто задолжително треба да се истакне на самата градежна парцела!
Ги повикуваме сите надлежни субјекти да одговорат за какви градежни активности станува збор, имајќи предвид дека овој објект е во сопственост на Република Македонија и споменик на културата под заштита“, побара Комисијата за култура на ВМРО-ДПМНЕ.
