Утеха нема, на Сузана ѝ реков само една – единствена реченица: Цеца најдобро ја разбира Поповиќевата вдовица
Саша Поповиќ беше погребан вчера на Бежаниските гробишта во Белград. Голем број негови колеги, пријатели и соработници го испратија на вечно почивалиште. Цеца и Сузана Јовановиќ ја споделуваат истата болка – двете останаа без љубовта на својот живот, па не е чудно што Ражнатовиќ беше покрај вдовицата на Сале.
„Ние што бевме блиски со него и што се дружевме, тешко ни е да се помириме со тоа дека веќе го нема. Не постојат зборови на утеха за семејството. Никогаш не преболуваш, само учиш да живееш со тоа. Јас имав уште потешка ситуација – излегов во град со мојот сопруг, а се вратив без него. Немав зборови на утеха, само реков: ‘Ќе научиш да живееш со тоа’“ – рече Цеца за „Тeлeгрaф“.
„Многу нешта сакав да му кажам, последното што му напишав, кога го прашав како е во четврток, беше ‘те сакам’“ – додаде таа.
Неговиот кум Дејан Ќирковиќ Ќира изјави дека се чудел колку голема желба за живот имал креативниот директор на „Гранд“.
„Бевме во постојан контакт. Се чудев колку волја за живот имаше. Пред само две недели договараше емисии. Секогаш велеше: ‘Супер сум, Ќирко, одлично сум’“.
„Докторите му рекоа дека терапијата што ја прима ќе го крене за два месеца. Никој не се надеваше дека вака ќе се случи“ – изјави тој за „Скандал“ и нагласи дека во последните денови Поповиќ не се слушнал со никого.
„Навистина му беше многу, многу тешко. Кога случајно слушнав дека некој зборува како се чул со него ден-два пред смртта, тоа се тешки глупости. Сале тогаш немаше сила ниту да зборува, ниту да пишува“ – рече Ќира за „Скандал“, кој беше покрај Сузана и ќерката на Сале, Александра.
