Украина утре транзитот на гас преку „Сохрановка“ – една од двете главни станици за пренос на руски гас кон Европа

Операторот на украинскиот транспортен систем за гас од утре ќе го запре транзитот на гас кон Европа преку гасната станица „Сохрановка“, која се наоѓа во регионот Луганск.

Украина продолжи да биде главната транзитна рута за испораката на рускиот гас кон Европа, дури и откако Русија изврши инвазија на оваа земја на 24-ти февруари.

Сепак, како што соопштија Украинската страна, заради фактот дека гасната станица „Сохрановка“ и пограничната компресорска станица „Новопсков“ се под контрола на Русија и окупационите сили се мешаат во техничките процеси, дошло до околности на виша сила, поради што транспортот на гасот не е возможен.

Низ станицата „Новопсков“ минува речиси 1/3-тина од гасот кој се испорачува од Русија за Европа, односно до 32,6 милиони кубни метри дневно.

Украинската компанија соопшти и дека заради исполнување на транзитните обврски кон европските партнери, можно е привремено префрлување на недостапните капацитети кон гасната станица „Суджа“ која е на територија под контрола на Украина.