Актуелно

Три лица убиени со нож, од кои едно обезглавено, во францускиот град Ница

Во напад со нож извршен во францускиот град Ница три лица беа брутално убиени, објави полицијата. Градоначалникот Кристијан Естроси изјави дека сѐ упатува на тоа дека станува збор за терористички напад, кој се случи во базиликата Нотр Дам во центарот на градот.

Полицијата соопшти дека една жена е обезглавена и дека напаѓачот е уапсен.

„Напаѓачот постојано извикуваше ‘Господ е голем‘ додека беше приведуван од полицијата. Еден од убиените е чувар во базиликата“, кажа Естроси.

Нападот следува неполни две недели по бруталното убиство на учителот Самуел Пати во париско предградие, кој исто така беше обезглавен.

To Top