Трендот на студено време продолжува и во среда

Среда ќе ја започнеме со ведро и прилично студено утро. Минималната температура низ котлините ќе има вредност во границите од -10°С до -5°С. Утрото, како и најголем дел од денот ќе биде ведар, речиси без облаци. Постепено наоблачување ќе има навечер во северните делови од земјата.

Наутро речиси и ќе нема ветер, за претпладне и околу пладне на кратко да очекуваме слаб југоисточен ветер. Навечер повторно очекуваем северно, но слабо струење

Температурата ќе има максималната вредност помеѓу 2°С и 5°С низ поголем дел од котлините, а на југ околу 7°С.

Скопскиот регион очекува претежно ведро време во текот на поголем дел од денот. Навечер очекуваме постепено наувлачување. Минималната температура ќе има вредност околу -8°С, додека вредноста на максималната температура ќе биде околу 4°С.