Кој ќе тепа на Ел Класико!? ↓↓↓
Бившиот американски претседател Доналд Трамп и неговиот тим се задоволни од медиумското внимание кое тој го доби поради најавеното можното апсење и покренување обвинение во реактуелизирањето на неговата наводна љубовна афера со порно-актерката Сторми Даниелс.
Сепак, неговото потесно семејство не е возбудено, особено неговата сопруга Меланија.
Според изворите, Меланија (52) продолжува со својот живот во домот на двојката во Палм Бич, и покрај правните проблеми што се наметнуваат над нејзиниот сопруг, 76-годишниот Доналд.
„Меланија си води сопств живот и сè уште се чувствува среќно што е во Мар-а-Лаго, опкружена со луѓе кои ја сакаат и кои никогаш не зборуваат за реалноста или за лошите работи за нејзиниот сопруг“, вели извор за PEOPLE.
Но, тоа не значи дека таа ја поддржува улогата на нејзиниот сопруг во наводната исплата на премолчени пари, што произлегува од гласините за вонбрачна афера со Даниелс. Поранешната порно ѕвезда тврди дека аферата се случила помалку од четири месеци откако Меланија го родила синот на парот, Барон, во 2006 година.
„Таа останува лута и не сака да ја слушне спомнатата [наводната уплата на замолчени пари]“, вели изворот за PEOPLE. „Таа е свесна за тоа кој е нејзиниот сопруг и го одржува нејзиниот живот оптимистички со своето семејство и неколку блиски пријатели.
Изворот додава дека Меланија била вознемирена од обвинувањата на Даниелс од 2018 година, кога Волстрит журнал објави дека Трамп договорил исплата на 130.000 долари на поранешната порно ѕвезда еден месец пред изборите во 2016 година, за таа да молчи за нивните наводна афера.
Додека Трамп и неговиот долгогодишен адвокат Мајкл Коен првично ги негираа тврдењата за афера, Коен подоцна призна дека имало плаќање на порно ѕвездата.
Нарекувајќи го тоа „приватна трансакција“, Коен изјави за „Њујорк тајмс“ дека ѝ платил на Даниелс 130.000 долари од свој џеб во 2016 година. Тој рече дека Трамп не му ги надоместил парите.
Трамп оттогаш призна дека одобрил исплата од 130.000 долари, но продолжи да ги негира основните тврдења дека двајцата имале афера или дека исплатата на било кој начин била поврзана со неговата кампања.
Се додава и дека ќерката на Трамп Иванка и нејзиниот сопруг Џаред Кушнер се исто така воздржани по ова прашање.
„ Тие остануваат настрана. Мислам дека нема да видите како го бранат, нема да има коментари. Иванка изгуби многу пријатели и бројот на покани за социјални настани и се намали додека Трамп беше претседател“, изјави неименуваниот извор.
Потенцијалното апсење и покренување обвинение на Трамп произлегуваат од тековната истрага на окружниот обвинител на Менхетен, Алвин Брег, за наводните замолчени пари исплатени на порно ѕвездата Сторми Даниелс пред изборите во 2016 година.
Извор рече дека Трамп ужива да биде повторно во вестите и во центарот на вниманието и верува дека „нашминканото обвинение“ ќе му помогне во неговата кампања.
