Со кауција од 1,3 милиони евра ќе се брани од слобода: Снимка од моментот кога Роналдињо го дозна ова

Медиумите објавија снимка од моментот кога на Роналдињо му беше соопштено дека ќе го напушти затворот во Парагвај и ќе се брани од слобода заради влезот во оваа јужноамериканска земја со фалсификувани документи.

Бразилската фудбалска легенда, Роналдињо пред неколку дена излезе од затворот во Парагвај во кој беше од средината на март поради влез во земјата со фалсификуван пасош.

По престој од 32 дена во затворот, Роналдињо беше пуштен со кауција од 1,3 милиони евра да се брани од слобода. Тој сега ќе биде сместен во куќен притвор, во луксузен хотел во Парагвај со неспоредливо подобри услови од таму каде што беше досега.

Парагвајските телевизии објавија видео од моментот кога Роналдињо дознава дека ќе го напушти затворот.