Танја Бошковиќ секој ден му се моли на Бога
Танја Бошковиќ, една од најубавите актерки на сите времиња од нашите простори, минатиот месец го прослави својот 71. роденден. Дека веќе зачекорила во осмата деценија, тешко е да се заклучи и по нејзиниот изглед, но и по односот кон животот.
Актерската дива никогаш не побарала помош од естетски хирург, а очигледно ретко посетува дури и општ лекар.
– Имам 71 година, а настинка немав цели 30 години. Не пијам никакви лекови. Немам никакви интервенции, ниту надворешни ниту внатрешни, освен што му се молам на Бога. Молитвата ме лекува, не се разболувам – изјави Танја во едно гостување кај Бошко Јаковљевиќ.
Иако здравјето ѝ е одлично, таа искрено признава дека не е секогаш дисциплинирана кога станува збор за здрав начин на живот.
– Пушам веќе 50 години, а сè уште сум здрава како бик – раскажа Танја на едно телевизиско гостување, а сега се осврна и на тоа како гледа на стареењето.
– Не се интересирам за работи што навистина не ме интересираат. Воопшто не ме интересираат. Јас не читам дневни весници. Јас пеам и му се молам на Бога. Немам проблем со тоа што стареам. Ми велат: “Старееш”, а јас велам: “Па што?” Ми велат: “Имаш брчки”, а јас велам: “Навистина? Не ги гледам.” Бог не ти дозволува да ги видиш сите детали на твоето лице. Што ме интересира? Брчките воопшто не ми се важни. Кога ме прашуваат: “Дали си направила нешто на себе?” јас велам: “Работев на тоа да се ослободам од стресот и глупостите.”
Според неа, грижата е недостаток на вера, а тешките ситуации ги надминува токму со верба.
– Ако се грижите, тоа значи дека не верувате во Бога. Така се препушташ на Господ и си мирен. Имаше тешки ситуации, но ги преживеавме. Еве, го преживеавме и бомбардирањето. Можеби сум се плашела, но од лудата глава и не сум се плашела. Дали Господ ми го дал животот? Да. Дали дошло време за умирање? Па добро. Пак, во прегратките на Господ ќе одам. И тогаш се прашувам, зошто јас? Дали на некого сум му сторила зло? Ако и сум, тогаш се каам – изјави Танја Бошковиќ за подкастот „Нишка кафа“.
