Китон Џонс со солзи во очите ги опишуваше своите секојдневни маки и тортури од школо, каде останатите деца го исмевале поради неговиот изглед.
За време на големиот одмор го гаѓале со шунка и истурале млеко врз него. На малиот и мајка му им прекипело од сето тоа и одлучиле да го снимат ова видео за да покажат со какви последици се соочува момчето.
Китон проговори во име на сите оние на кои им се случува такво малтретирање, а многу светски познати фаци се огласија после ова видео.
Џастин Бибер, Ева Лонгорија, Снуп Дог, Марк Рафало, Кети Пери и Крис Еванс се само некои од познатите личности кои на малиот Китон му порачаа дека се тука за него и дека не е сам. Трогателното видео вознемири и разнежни милиони гледачи ширум светот.
