Парламентарното мнозинство е формирано со 67 пратенички мандати од околу 700.000 граѓани, и граѓаните многу брзо ќе ја добијат својата Влада според Деловникот, Уставот и законите, велат од СДСМ.
Од партијата додаваат просечната плата ќе се качи до 500 евра, а ќе се намалат животните трошоци, ќе се плаќа пониска цена на електричната енергија, ќе се укине екстерното тестирање, нема да се плаќа радиодифузна такса.
Секој граѓанин ќе добива назад по 15 проценти од ДДВ наплатено во фискалните сметки, и Македонија ќе напредува кон ЕУ и НАТО, се вели во соопштението на СДСМ.
