Oмилената ѕвезда на легендарната серија Сексот и градот, Сара Џесика Паркер, не престанува да инспирира со своите модни и бјути изданија.
Иако сака да експериментира со стилот, останува верна на некои свои препознатливи елементи – природен и топол изглед на шминка и секогаш беспрекорно негувана руса коса.
Како Сара Џесика Паркер ја одржува својата руса коса здрава и сјајна?
Нејзината долгогодишна колористка, Џина Гилберт, открива неколку мали тајни зад сјајните нијанси на косата на Сара Паркер.
Суптилни промени наместо драстични трансформации
„Сара сака мали промени во бојата на косата. Најчесто осветлувам само мали делови на патецот и околу линијата на косата, но не на целиот корен. Не сака бојата да ѝ останува на скалпот“, открива Гилберт.
Игра на контрасти
„Користиме техника на постепено осветлување – потемен корен во комбинација со посветли врвови создава природен изглед. Особено ги осветлуваме прамените околу лицето, бидејќи тоа го освежува тенот и додава дополнителен сјај,“ објаснува таа.
Прифаќање на природната убавина
Она што најмногу го сакаме кај Сара Џесика Паркер е нејзиниот опуштен став кон седите влакна. Наместо да ги прикрива, таа со гордост ги истакнува и ги охрабрува жените ширум светот да ја сакаат својата природна коса.
„Кога ќе излезам од дома, сакам да се чувствувам убаво според моите сопствени стандарди. Не можам да ви кажам кои се тие правила – едноставно знаете кога се чувствувате како најдобрата верзија на себе, што и да значи тоа. Суетна сум, но не доволно за мислењето на другите да биде пресудно“, изјавила Сара.
И за крај – нејзината порака што одекнува:
„Престанете да велите дека моите седи влакна се знак на храброст.“
