Рик Флер се огласи по падот во Тампа: „Ќе бидам добро“

Рик Флер им се обрати на обожавателите откако неделава доживеа пад поради кој заврши во болница.

Поранешниот професионален кечер на WWE, кој има 77 години, паднал откако преминал улица во Тампа, Флорида, во петокот, на 23 октомври. Со амбулантно возило бил пренесен во болница.

Според објавените информации, Флер се здобил со расекотини на главата и кај окото, проследени со обилно крвавење. Можно е да претрпел и потрес на мозокот.

Следниот ден тој се огласи на Инстаграм за да сподели како се чувствува и да им се заблагодари на лекарите и на болничкиот персонал што се грижеле за него.

„Ви благодарам на сите за пораките и молитвите! Како што ќе ми се враќа силата, ќе ви одговорам на секого поединечно“, напиша Флер покрај објавената фотографија. „Благодарам на целиот персонал и на лекарите во Општата болница во Тампа, кои ме трпеа до 4:30 часот наутро. Ве ценам сите и ви благодарам за сè што направивте за мене!“

Флер порача дека во моментов е „посветен на заздравувањето и закрепнувањето“, додавајќи: „Ќе бидам добро!“

Тој се осврна и на активноста на неговиот профил на Фејсбук по пренесувањето во болница.

Извор: Just Jared