Путин: САД ја направија Украина полигон за воено-биолошки експерименти и сега се полни со оружје


Меси против Левандовски -11 ден ↓↓↓



Надворешната политика на САД ја претвори Украина во свој инструмент, кажа рускиот претседател Владимир Путин обраќајќи им се на шефовите на делегациите на состанокот на Советот на шефовите на безбедносните агенции и разузнавачките служби на земјите од Заедницата на независни држави.

„Што се обидуваат да постигнат, тие кои тоа го прават (Западот), гледаме на примерот на Украина, која стана инструмент на американската надворешна политика. Земјата практично го изгуби суверенитетот и е под директна контрола на Соединетите Држави“, кажа Путин.

Рускиот претседател истакна дека САД и нивните сојузници не престануваат да се обидуваат да организираат обоени револуции, поттикнувајќи екстремистички и националистички чувства. Овие акции директно ги загрозуваат сите земји од ЗНД, истакна Путин.

Според него, САД ја користат Украина „како оружје против Русија, против нашата сојузна држава со Република Белорусија и против Организацијата на договорот за колективна безбедност и ЗНД во целина“, пренесува РИА Новости.

Тој додаде дека Западот дејствува во поранешната советска република во сопствени воени цели.

„Украинската територија е претворена во полигон за воено-биолошки експерименти, а сега се полни со оружје, вклучувајќи и тешко вооружување, а желбата на киевскиот режим не се занемарува“, објасни Путин.

Русија на 24 февруари почна воена операција во соседна Украина.