Шанса да станеш YouTuber! Приклучи се! ↓↓↓
Фамозната компанија за трговија и размена на криптовалути FTX, која поднесе барање за заштита на стечајниот суд во САД, рече дека им должи на своите 50 најголеми доверители речиси 3,1 милијарди долари. Менувачницата им должи околу 1,45 милијарди долари на своите 10 најголеми доверители, се вели во судската пријава во саботата, без истите да бидат именувани, пренесува порталот Пари.
FTX и неговите филијали поднесоа барање за стечај во Делавер на 11 ноември во едно од најпознатите крипто-експлозии, оставајќи околу 1 милион клиенти и други инвеститори соочени со вкупни загуби во милијарди долари. Криптоберзата во саботата соопшти дека започнала стратешки преглед на своите глобални средства и се подготвува за продажба или реорганизација на некои бизниси.
Посрамениот технолошки гигант Сем Бенкмен-Фрид сензационално призна дека „се чувствува лошо“ за кризата поради оние кои биле погодени од неа и ја обвини својата поранешна девојка за FTX колапсот. Основачот на неуспешната крипто-платформа, чиј колапс ги чинеше потрошувачите милијарди долари, призна дека неговите напори да се појави морално за време на најславниот период на компанијата беа „глупава игра“.
Тој сензационално рече дека вината за катастрофата во FTX ја сноси Alameda Research, трговската фирма што ја основаше во 2017 година и беше водена од неговата љубовница, инаку вљубеничка во книгите за Хари Потер, Керолин Елисон. Банкмен-Фрид, кој поседуваше мнозински удел во Аламеда, ја постави Елисон (28) како извршен директор на фондот од повеќе милијарди долари во октомври 2021 година и покрај нејзиното ограничено професионално трговско искуство.
Се чини дека тој дозволуваше FTX да ѝ позајмува на Аламеда милијарди долари во пари на клиенти без нивно знаење или дозвола. Кризата во FTX беше активирана кога клиентите побрзаа да ги повлечат своите средства, но компанијата не можеше да ги плати. Банкмен-Фрид (30) живеел во пентхаус вреден 40 милиони долари на Бахамите, даночен рај, а Елисон во „полиаморна заедница“, односно круг од 10 лица кои се во меѓусебни сексуални врски, а го сочинувал неговиот потесен круг директори на FTX и Alameda.
Сега се поставуваат сериозни прашања до претседателот на американската Комисија за хартии од вредност, Гери Генслер, кој се соочува со истрага околу неговата врска со обесчестениот крипто-вундеркинд – и недостатокот на надзор на крипто-пазарот што Генслер самиот го опиша како Дивиот Запад.
Новиот извршен директор на FTX во саботата рече дека банкротираната крипто берза сака да ја продаде или реструктуира својата глобална империја, дури и додека регулаторите на Бахамите и FTX се расправаат во судските поднесоци и соопштенија за печатот за тоа дали барањето за стечај треба да продолжи во Њујорк или во Делавер. „Врз основа на нашиот преглед во изминатата недела, задоволни сме што дознавме дека многу регулирани или лиценцирани подружници на FTX, во и надвор од Соединетите Американски Држави, имаат солвентни биланси, одговорно управување и вредни франшизи“, рече шефот на FTX Џон Реј. во соопштение.
Реј, кој го замени основачот на FTX, Сем Бенкмен-Фрид, кога компанијата поднесе барање за заштита од стечај во Поглавје 11, додаде дека е „приоритет“ во наредните недели да се „истражат продажбата, докапитализацијата или другите стратешки трансакции во однос на овие подружници и други кои ги идентификуваме додека нашата работа продолжува“.
Пазарот на криптовалути на најлош можен начин ја завршува годината полна со лоши вести. На 2 ноември беше иницирана низа на настани кои доведоа до банкрот на берзата за криптовалути FTX, една од најголемите во светот, а негативниот шок од тој настан се прелеа на остатокот од пазарот.
Од банкротот на FTX, поточно поднесувањето на барањето за стечај според американскиот закон Поглавје 11, еден од најспоменуваните зборови во крипто заедницата е „fallout“. Овој термин значи ширење на негативните последици од настанот на актери кои не се директно поврзани или одговорни за самиот настан.
Колапсот на криптовалутата FTX се прелева на целиот пазар и го загрозува нејзиниот опстанок. Постоењето на самите криптовалути не е во опасност, иако има и такви кои последните настани ги опишуваат како почеток на крајот, но многу криптовалути, фондови и крипто берзи имаат проблеми по прогласувањето банкрот на FTX, принудувајќи ги да воведат непопуларни мерки да се заштитат од последиците. Тоа, пак, само го продлабочува сомнежот и паниката кај другите актери, продолжувајќи ја кризата.
Само неколку часа откако FTX поднесе барање за стечај, од паричникот на компанијата исчезнаа различни криптовалути во вредност од 663 милиони долари. 186 милиони долари се однесуваат на продажбата на самиот персонал на FTX, за покривање на загубите, но останатите 447 милиони долари очигледно се украдени.
Хакерот украл поголем дел од средствата во форма на етериум и на тој начин стана 27-ми најголем сопственик на таа криптовалута во светот. Според информациите на Chainalysis, компанија за анализа на блокчејн, хакерот почнал да ја конвертира украдената криптовалута ethereum во биткоин.
Интересно е што токените Чилиз (CHZ), Алгоранд (ALGO) и Cronos (CRO) се спонзори на Светското фудбалско првенство во Катар. Некои репрезентации имаат свои токени, како што е токен за навивачи на фудбалската репрезентација на Бразил (BFT) и токен на навивачи на фудбалската репрезентација на Шпанија (SNFT).
