Понеделник неработен ден за сите граѓани на Македонија

Поради поклопување на два празници – државен и верски, следниот понеделник, 25 мај, е неработен ден за сите граѓани на Македонија.

На 24 мај се одбележува Денот на сесловенските просветители, а годинава на истиот ден се празнува и првиот ден на Рамазан бајрам

Понеделник, 25 мај, е неработен ден за сите граѓани на Македонија, соопшти Министерството за труд и социјална политика.

Согласно Законот за празниците, 24 мај (недела) е државен празник, Ден на сесловенските просветители „Св. Кирил и Методиј“, а годинава на истиот ден е и првиот ден на Рамазан бајрам, кој исто така е државен празник во земјава.