Home Актуелно Половина милијарда евра од ЕУ за вооружување на Украина блокирани од Унгарија

Половина милијарда евра од ЕУ за вооружување на Украина блокирани од Унгарија

Унгарија ја блокирала испораката на осмата транша на помош за Киев за купување оружје од таканаречениот Европски фонд за мир во вредност од 500 милиони евра, јавува италијанската агенција Анса повикувајќи се на извори во Брисел.

Будимпешта наводно бара гаранции дека фондот во иднина ќе го зачува својот глобален карактер и дека нема да се користи исклучиво за вооружување на Киев, пренесува италијанската агенција.

Се прецизира дека траншата во износ од 500 милиони евра за Украина требало да биде испратена на 22 мај.

Вонбуџетскиот Европски фонд за мир е формиран во 2021 година за да „ја зголеми способноста за спречување конфликти и јакнење на меѓународната безбедност“. Големо количество од парите веќе е резервирано за делумно враќање на средствата на државите кои ѝ испратиле оружје на Украина.

Шефот на дипломатијата на ЕУ Жосеп Борел во март понуди од фондот да се издвојат дополнителни милијарда евра за финансирање муниција за украинските сили.

Вчитај повеќе поврзани статии
Load More In Актуелно
Comments are closed.

Check Also

Онлајн игри кои ќе сакате да ги играте повторно

Во последните десет години, играњето онлајн игри прерасна од обична забава во културен фен…