Актуелно

Петочна и викенд временска прогноза

Овој прв августовски петок времето во Македонија останува во „есенско расположение“. Ќе биде променливо облачно со сончеви периоди. На места, особено попладне се очекува нестабилност со пороен дожд, грмежи и засилен ветер, а локално ќе има и невреме.

Минималната температура ќе се движи од 12 до 20, а максималната д 21 до 30 Целзиусови степени.

Во Скопје слично време со минимална температура до 17 и максимална до 26 степени. Маврово 21, Охрид 23, Битола и Крива Паланка 25, Берово 24, Кавадарци 27, Дојран 30.

Променливото време ќе се задржи до недела. Синоптичарите најавуваат пороен дожд, и грмежи и локално невреме со засилен ветер и изолирана појава на град.

Веќе од понеделник се очекува стабилизирање на времето со пораст на дневните температури.

To Top