Ова пролет посетете го Лајден

Денес сакаме накратко да ви претставиме еден од најубавите холандски градови кој вреди да го посетите оваа пролет – Лајден.

Овој живописен историски град со добро одржувани куќи од XVII век се наоѓа во холандската провинција Јужна Холандија. Туристите можат да го истражат Лајден преку бродски патувања низ бројните канали.

Во Лајден, родното место на Рембрант, постои духот на историјата и пријатна атосфера. Овој град е исполнет со љубезни луѓе и навистина можете да го почувствувате холандскиот менталитет. Лајден исто така е дом на најпрестижниот универзитет во Холандија. Лајденскиот Универзитет е гордост на градот и тоа е најстариот универзитет во Холандија. Лајден има вкупно 12 музеи и вреди да ги посетите сите.

За да ги видите сите знаменитости и да ja запознаете историјата на градот, тргнете на прошетка. Почнете од паркот Лејдсе Хаут, а навечер, уживајте во некој кафуле со локални деликатеси. Ако сте во Лајден во пролет, не смеете да ја пропуштите една од главните холандски туристички атракции – Кекенхоф. Тоа е огромна отворена изложба на цвеќе на повеќе десетици хектари.

Во сабота наутро, дефинитивно треба да појадувате во мала пекара Мамие Гурманд. За брендираните кроасани со бадем ќе треба да стоите во ред, но вреди. Исто така, препорачуваме да го посетите ресторанот Вааг, кој неодамна се отвори во срцето на Лајден. Дизајнот на зградата во која се наоѓа комбинира различни архитектонски стилови, а во ресторанот има домашна атмосфера.

Кога станува збор за ноќниот живот, популарно место меѓу локалните жители е „Аниев Верјарадег“ во центарот на градот со прекрасна тераса на вода. Во пролет и лето, терасата пружа прекрасен поглед на бродовите кои пловат покрај каналите.

Интересен факт – на улицата Аалмарк во Лајден отворен е нов трговски центар со продавници на познати прехранбени брендови, меѓу кои и Јогурт Барн.