Осигурителната компанија одбива да му исплати отштета на Џони Деп во име на Амбер Херд

Судиот ѝ наложи на Амбер Херд на нејзиниот бивш сопруг Џони Деп да му исплати 10,35 милиони долари како компензација и казнена отштета, откако поротата во Вирџинија пресуди дека го клеветела кога во 2018 година во нејзино име беше објавена статија дека таа била жртва на семејно насилство.

Актерката се надеваше дека нејзината осигурителна полиса кај New York Marine и General Insurance Co. ќе ѝ покрие дел од сумата.

Сепак, иако полисата покрива различни видови незаконско однесување, вклучително и клевета, „ТМЗ“ забележа дека според законот во Калифорнија – кој ја регулира полисата – осигурителната компанија не е обврзана да плати доколку осигурената страна се однесува недолично со намера, а компанијата нотира дека поротата не само што утврди намерна клевета, туку и злонамерна.