Од дома му велеле да ја батали: Бивш играч на Реал среќата ја најде со 18 години повозрасна бизнисменка

Серхио Караљо, поранешниот фудбалер на Реал Мадрид и Њујорк Космос, ужива во бракот со 18 години повозрасната бизнисменка Каролина Стенбари.

Каролина претходно беше во брак дури 17 години и има три деца, додека во текот на својот живот глумеше и во неколку реални шоуа, меѓу кои и „Домаќинки од Дубаи“.

„Откако се запознавме, не се разделивме. Ние сме сродни души. Татко ми кажа дека ќе ми ги даде сите пари на светот ако се разделиме, а мајка ми почна да плаче кога дозна за нашата љубовна врска. Но, на крајот ја запознаа и сега ја сакаат како да им е ќерка“, кажа Караљо.