Од денес бензините поскапи, дизелот поевтин


Шанса да станеш YouTuber! Приклучи се! ↓↓↓


Од минатата ноќ, на полноќ, на сила стапи новата, за половина денар повисока цена на бензините, а за исто толку поевтино ќе се продава дизелот. Екстра лесното масло за домаќинство се намалува за еден денар, одлучи вчера Регулаторната комисија за енергетика.

Новата цена на ЕУРОСУПЕР БС-95 ќе изнесува 60 ден/лит, а ЕУРОСУПЕР БС-98 ќе се продава по цена од 62 денари за литар.Малопродажната цена на дизелот ќе биде 52,50 денари за литар, а на Екстра лесното масло за домаќинство 52 денари за литар.

Малопродажната цена на мазутот се намалува за 0,351 денари за килограм, во однос на претходно утврдената цена. Така, сега новата цена на мазутот ќе изнесува 25,709 денари за килограм

Од Регулаторната комисија за енергетика информираа дека со новата одлука се врши намалување на малопродажните цени на нафтените деривати за 0,50 проценти во однос на претходно утврдените.