Облачен и дождлив вторник

Во Македонија денес ќе имаме претежно облачно време со врнежи од дожд, а на планините од снег особено попладне.

Во текот на ноќта кон среда врнежите ќе преминуваат во снег и на некои повисоки места. Локално врнежите ќе бидат пообилни, особено во западните и југоисточните делови. Ќе дува слаб до умерен југоисточен, а кон крајот на денот повремено засилен ветер од северен правец.

Дневните температури ќе бидат во Скопје 8 Целзиусови степени, Маврово 3, Охрид 7, Кавадарци 10, Битола 8, Крива Паланка 9, Берово 8, Дојран 12 степени.

И утре времето ќе биде променливо облачно со локални врнежи од дожд, особено претпладне во јужните делови. На планините и на некои повисоки места ќе има повремен снег. Ќе дува умерен северен ветер. Дневните температури ќе достигнат во Скопје 7, Маврово 2, Охрид 5, Битола 6, Кавадарци 8, Крива Паланка 4, Берово 3, Дојран 9.