Новата серија од Netflix ја нарекуваат „најморничава на сите времиња“

Во последно време на Netflix навистина им тргна од рака со хитовите. После Bird Box и интерактивната верзија на Black Mirror, уште една серија го привлече вниманието на публиката ширум светот и стана мегахит.

Серијата „You“ го следи ликот на Џо Голдберг кој се запознава со писателката Гвиневер Бек и лудо се вљубува во неа. Неговата љубов преминува во опсесија, па почнува да ја следи и „онлајн“ и во живо. Потоа почнува да презема и некои навистина екстремни мерки за да остане во нејзиниот живот.

„Најморничавата серија која сум ја гледал во последно време“, „Почнав да ја гледам You на Netflix и таа е едно од најморничавите нешта кои сум ги гледала“, „Една од најморничавите и најчудни серии кои сум ги гледала било кога. Ве тера да ја гледате до крај“, се само некои од коментарите од фасцинираните гледачи кои во едно се согласија – дека „You“ е една од најморничавите серии на сите времиња.

You on Netflix…creepiest show I’ve seen in a long while.

— Paul Maguire (@Paulmag95) January 5, 2019

Предлошка за серијата е истоимената книга од Керолајн Кепнес, а LAD Bible пишува дека е многу веројатно истата да доживее и втора сезона, бидејќи и книгата има продолжение со наслов „Hidden Bodies“.