Една од најомилените поп-пејачки на Балканот се враќа пред белградската публика по повеќе од една деценија
Нина Бадриќ е позната по својата безвременска убавина и нејзината магнетска појава уште од самиот почеток на нејзината музичка кариера. Неодамна, откри дека драстично го променила својот начин на живот, а големо влијание во таа промена имал најдобриот тенисер на светот, Новак Ѓоковиќ.
“Откако започнав да се хранам на овој начин, моето тело е во совршен баланс, мојата кожа и коса блескаат, а имам многу повеќе енергија во споредба со претходните години, кога не посветував внимание на тоа што внесувам во организмот”, напиша таа некогаш на својот Инстаграм профил.
“Долго време го следев начинот на исхрана на Новак Ѓоковиќ и на многу луѓе кои ми се блиски и го практикуваат истиот начин на исхрана со години. Навистина сè има смисла. Мојата енергија се утрои – и духот и телото. Се чувствувам извонредно, позитивно, силно, ментално и физички подигнато. На секого би му препорачала да го зајакне својот имунитет преку здрава исхрана, а како резултат на тоа, килограмите сами по себе се топат. Ова не е обична диета, туку начин на живеење, а придобивките од ваквиот избор се бесценети за нашето здравје и живот,” додаде Нина.
Нина Бадриќ подготвува концерт за паметење во Белград
Големиот солистички концерт во рамките на нејзината турнеја „Мои луѓе“ е закажан за 12. април во белградската Арена!
Овој спектакуларен настан, во организација на SKYMUSIC, веќе предизвика огромно воодушевување – подготовките се во полн ек, а интересот на публиката ги надмина сите очекувања!
Билетите се достапни преку официјалниот продажен систем eFinity, на билетарниците на белградската Арена, Сава Центар и Домот на млади во Белград, како и на повеќе од 1.000 продажни места низ Србија.
