29-годишната фитнес инструкторка Сиа Купер на своја кожа ја почувствува лошата страна на социјалните мрежи. Таа е доста активна на своите профили и секојдневно коментира фотографии од познати личности за да привлече што повеќе луѓе да ја следат нејзината работа.
Сиа е мајка и фитнес инструкторка која објавува фотографии и совети за вежбање. Досега има над еден милион следбеници на Инстаграм. Проблемот со социјалните мрежи настана кога некои од нив почнаа да ја навредуваат, па дури ѝ испраќаа и смртни закани.
„Секој ден ме вознемируваат. Велат дека сум глупава, грда, напорна и дека сум лоша мајка бидејќи оставам коментари на своите омилени страници“, вели Сиа за people.com.
„Постојано ме распрашуваат како имам толку време за коментирање по Инстаграм. Па, тоа ми е работа. Ме критикуваат дека не поминувам доволно време со своите деца. Моите деца се среќни и здрави. Никого не сум запоставила. Заработувам доволно за да можам да ги гледам своите четири деца. Среќна сум и ништо не може да ме запре. Па ни хејтерите“, додаде Сиа.
„Кога почнав со оваа работа, таквите коментари многу ми пречеа и ме погодуваа. Денес око не ми трепнува, бидејќи сфаќам дека и тоа е дел од работата. Најдобар начин за пресметување со негативните коментари е да не им одговарате“, вели Сиа.
„Благодарна сум им на социјалните мрежи, бидејќи одведоа на толку убави места и запознав толку добри луѓе. И ми е гајле што велат хејтерите, јас имам најдобри следбеници на светот“, заклучува инструкторката.
Учество во игри на среќа е дозволено за лица со 18+ години. Играј одговорно!