На 88-годишна возраст почина славниот моден дизајнер Пако Рабан

Култниот дизајнер од светот на модната индустрија, баскиецот Пако Рабан, почина на 88-годишна возраст, пишува Би-Би-Си.

Франциско Рабанеда Куерво, попознат под псевдонимот Пако Рабан, беше шпански моден дизајнер со баскиско потекло, кој стана познат во 1960-тите.

Пако Рабан е роден на 18 февруари 1934 година во баскискиот град Пасаја, провинција Гипускоа. Неговиот татко, републикански полковник, бил погубен од трупите на Франко за време на шпанската граѓанска војна. Мајката на Рабано, која беше главен шивач во првата модна куќа на Кристобал Баленсијага во Доностија, Баскија.

Поради Шпанската граѓанска војна, тие се преселиле во Париз во 1937 година. Во средината на 1950-тите, додека студирал архитектура на Ecole National des Beaux-Arts во Париз, Рабан заработувал правејќи модни скици за Диор и Живанши и скици за чевли за Шарл Журдан, но подоцна се вработил во најголемиот француски производител на армиран бетон, Огист Пер, и таму работеше повеќе од десет години.

Дизајнираше гардероба, накит и парфеми.

Неговата смрт ја потврди Пуиг, матичната компанија на неговите брендови, велејќи дека тој „обележал генерации со својата радикална визија за модата и неговото наследство ќе живее понатаму“.