Дваесет и деветгодишно момче од Скопје е жртвата во сообраќајната несреќа што се случи вчера на патот Велес-Штип, пренесува „Макфакс“.
Несреќата се случи во 14 часот, кај клучката за село Црнилиште, а во неа учествуваа автобус „темса опалин“ со велешки регистарски ознаки, управуван од Љ.Ц. (64) од Велес и автомобил „шкода рапид“ со скопски регистарски ознаки, сопственост на друштво за транспортни услуги од Скопје, а управувано од И.А. (29) од Скопје.
Според информациите од МВР, на самото место починал возачот И.А.. Увид на лице место извршиле јавен обвинител и екипа од полициската станица-Свети Николе. Сообраќајот на патниот правец Велес – Штип беше во прекин до 16.30 часот.
Учество во игри на среќа е дозволено за лица со 18+ години. Играј одговорно!