Каде пловат вашите мисли кога размислувате за романтичен десерт?
Можеби прво ви паѓаат на ум бомбониери, но ќе признаете дека тие одамна се застарени. Она што ви е навистина потребно е нешто освежувачко, кремасто и сочно со совршен прелив од чоколадо. Нешто како милкшејк со вишни, кој можете да го споделите со саканата личност. Дали споменавме дека е прелиен со чоколадо? Навистина е штета да чекате лето за да го пробате.
ПОДГОТОВКА:
За миксот со вишни:
2 шолји замрзнати или свежи вишни, без семки
¼ шолја шеќер
1 лажица свежо исцеден сок од лимон
2 лажици пченкарен скроб
1 лажичка екстракт од ванила
За милкшејкот:
10 лажици сладолед од ванила
¼ шолја млеко (или повеќе, доколку сакате да биде поредок)
8 лажици микс со вишни, плус за декорација
1 лажица чоколаден сируп, плус за декорација
1 лажица ситни парчиња чоколадо
шлаг крем
шарени шеќерни трошки за посипување
ПОДГОТОВКА:
Ставете ги вишните во мало тенџере, а над нив посипете шеќер, сок од лимон и ¼ шолја вода. Варете на средна температура со повремено мешање околу 15 минути, додека не добиете густ сируп. Во меѓувреме, во мала посуда измешајте го пченкарниот скроб со 4 лажички топла вода. Кога ќе биде готов миксот со вишни, додадете ја смесата со скроб и продолжете со варење уште една минута, а потоа тргнете го од оган. Додадете екстракт од ванила и оставете да се излади. Внесете ја смесата во блендер и мешајте додека не добиете мазна текстура. Истурете ја во мала тегла и чувајте ја во фрижидер до една недела.
За подготовка на милкшејкот, во блендер ставете сладолед, млеко, микс со вишни, чоколаден сируп и парчиња чоколадо. Измешајте сè заедно околу 30 секунди. Со лажица земете од миксот со вишни и нанесете го по внатрешните ѕидови на висока чаша. Повторете ја постапката со чоколадниот сируп за да добиете убав слој. Истурете го милкшејкот врз ова, а потоа украсете со шлаг, парчиња чоколадо, шарени шеќерни трошки и уште малку од миксот со вишни.
