“`html
Карл Лагерфелд беше уникатен во секој аспект од својот живот
Неповторлив, духовит и често провокативен, дизајнерот ги надмина границите на модата, оставајќи неизбришлив траг не само преку колекциите што ги создаваше, туку и преку острите изјави кои станаа легендарни.
Со цитати како „Тренерките се знак на пораз“ и „Модерноста е последната фаза пред невкусот“, Лагерфелд остана запаметен не само по своите модни креации, туку и по своите бескомпромисни ставови.
Додека одбележуваме шест години од неговото заминување, се потсетуваме на неговите највпечатливи изјави – за модата, луксузот, хуморот и животот.
За модата и стилот
„Тренерките се знак на пораз. Изгуби контрола над својот живот, затоа си ги купил.“
„Модерноста е последната фаза пред невкусот.“
„Јас сум човек на модата, а модата не е само облека – модата е секоја промена.“
„Никогаш не ја користете зборот ‘евтино’. Денес секој може да изгледа елегантно со достапни парчиња. Дури и богатите ги купуваат. Стилот не е прашање на пари, туку на став.“
За својата личност
„Јас сум како карикатура на себеси – и тоа ми се допаѓа. Како маска. За мене, карневалот во Венеција трае цела година.“
„Јас сум многу приземјен – само не на оваа планета.“
За луксузот
„Луксузот е удобноста на маица во фустан висока мода.“
„Луксузните чанти го прават животот поубав, будат соништа, ти даваат самодоверба и им покажуваат на соседите дека ти оди добро.“
За хуморот
„Што ти е потребно за да преживееш како легенда? Добар смисол за хумор и малку непочитување.“
За парите
„Ако трошиш пари, прави го тоа со задоволство. Не зборувај ‘ова не би требало да се прави’ – тоа е буржујски.“
За препреките и еволуцијата
„Импровизирај. Биди покреативен. Не затоа што мораш, туку затоа што сакаш. Еволуцијата е тајната на следниот чекор.“
За своето наследство
„Отсекогаш знаев дека сум создаден за ваков начин на живот, дека ќе станам ваков тип легенда.“
Карл Лагерфелд не беше само дизајнер – тој беше филозоф на модата, уметник со став и неисцрпен извор на инспирација. Неговото влијание продолжува да живее, обликувајќи го светот на стилот и естетиката и денес.
“`
