Македонскиот државјанин Агим Мифтари (29) бил уапсен од страна на италијанските власти под сомнение за подготовка на терористички напад.
Како што се наведува во вчерашното соопштение на полицијата, 29 годишниот Агим Мифтари се обучувал за „идни терористички иницијативи“ во Сирија. Тој на социјалната мрежа Фејсбук ширел пропаганда на терористичката организација Исламска држава.
Полицијата при претресот на неговиот дом во април годинава пронашла дрон и воена униформа. Мифтари е во притвор од април.
