Шанса да станеш YouTuber! Приклучи се! ↓↓↓
Ски центарот Маврово денес и утре нуди бесплатно скијање за сите ученици од државава, со што сака да ги мотивира да ги напуштат загадените градски средини и да одат на чист воздух додека да се вратат во школските клупи.
„Им излегуваме во пресрет и ги покануваме сите деца да бидат наши гости и да дишат чист воздух на планина додека да помине критичниот период. Се надеваме дека на оваа наша иницијатива ќе се приклучат и други институции за бесплатен транспорт и супервизија, бидејќи сите родители не се во можност да ги донесат учениците до Маврово“, вели Огњан Циговски, директор на Ски Центарот Маврово.
Оваа иницијатива е резултат на енормната аерозагаденост на воздухот во Македонија и по повод Светскиот ден на снегот, 19 јануари. Во текот на вчерашниот ден, сите деца скијаа бесплатно во Ски центарот Маврово.
