Маски за лице што ќе ја освежат вашата кожа по празниците

Лист маски – нежен третман што ѝ годи на кожата

Лист маските – оние меки, свилени ткаенини натопени со активни состојки – денес се незаменлив дел од секоја сериозна рутина за нега на кожата.

А по велигденските празници и малиот „убавински детокс“ што сите го заслужуваме, овие маски претставуваат совршен ритуал за освежување и тонирање на кожата.

Зошто лист маските се повеќе од моментална нега?

Интензивна хидратација

Најголемата предност на лист маските е нивната способност за длабинска хидратација. Маската делува како заштитен слој кој го спречува испарувањето на серумот – што значи дека кожата впива максимум хранливи состојки. Резултатот? Свеж и хомоген тен, исполнета и мазна кожа со природен сјај.

Тонирање и ревитализација

Лист маските содржат моќни активни елементи како витамин Ц, ниацинамид и пептиди. Овие состојки го осветлуваат тенот, ја враќаат еластичноста и ги ублажуваат знаците на умор – токму она што му е потребно на лицето по празничната еуфорија и патувањата.

Момент за себе

Покрај придобивките за кожата, овој мал ритуал претставува и време за себеси. Петнаесет минути тишина, затворени очи и мирисен серум – тоа е луксузна пауза во секојдневието. Зашто негата на кожа не е само задолжение, туку форма на нежност и внимание кон себе.

Практични и ефикасни

Нивната употреба е едноставна, а ефектот – моментален. Не ви треба ниту вода, ниту дополнителни производи – само отворете, нанесете и уживајте. Идеални се и за носење на пат, во авион или додека ја гледате омилената серија.

Совет плус:

Ставете ја лист маската неколку минути во фрижидер пред употреба за ефект на разладување и дополнително намалување на подуеноста.

Подарете и на вашата кожа сè што заслужува – внимание, хидратација и оној блескав сјај што доаѓа одвнатре. Нашиот избор на лист маски погледнете го во галеријата со фотографии.