Македонија во чест на свети Кирил и Методиј


Вака се слави гол во 120-та минута!!! ↓↓↓


Во рамки на традиционалната манифестација „Македонија во чест на свети Кирил“ државно-црковна делегација од Република Македонија, во среда ќе се поклони на гробот на свети Кирил во Рим.

Делегацијата ќе ја предводи министерот за надворешни работи Никола Попоски, а со молебенот на гробот на светителот ќе чиноначалствуваат митрополитот дебарско-кичевски Тимотеј и митрополитот европски Пимен.

Претседателот на државата Ѓорѓе Иванов поради престојот во Москва, в петок ќе престојува во Рим и ќе ја предводи државно-црковната делегација на аудиенцијата кај папата Франциско.

Иванов во Апостолската палата ќе има средба и со државниот секретар на Светата столица, кардиналот Пиетро Паролин.