Мајке ти, што си тогаш ти тука? Срѓан Ѓоковиќ и возврати на Јована во живо
Срѓан Ѓоковиќ има јасен став кога станува збор за современото родителство и не крие дека има разлики во мислењето со својот син и снаа по тоа прашање. Заеднички јазик не пронајде ниту со водителката на утринската програма, па така Срѓан Ѓоковиќ и возврати на Јована Јоксимовиќ во живо емисија.
Имено, тие двајца дискутираа на тема современо родителство, а Срѓан го изнесе својот став и откри каква била неговата улога во создавањето на кариерата на Новак Ѓоковиќ:
– Кај него редот, трудот и дисциплината беа приоритет… – изјави Срѓан Ѓоковиќ, истакнувајќи дека Ноле само еднаш во животот задоцнил на тренинг, затоа што се занел играјќи со пријателите.
– Неговиот син Стефан исто така е прекрасен, но многу е тешко. Го прашав дали сака да го носам на тенис, тој вели сака. Му реков: „Ќе дојдам во шест и пол“, а тој ми вели: „Молам?“ Тешко е тоа, воопшто невозможно е да се повтори Новак во светот, во Србија, а камоли во семејството. Ќе дадеме сè, само ако сака, како што Новак сакаше. Ние како родители сме тука за да им помогнеме на нашите деца. И затоа не се согласувам со новата генерација која вели дека детето треба да одлучи со што ќе се занимава во животот.
„А мајке ти?“ – одговор што ја изненади Јована
Во тој момент, Јована го праша: „Па зар не е тоа најважното?“, а Срѓан ѝ одговори со насмевка: „А мајке ти?“ и додаде појаснување на својот став:
– А што си ти тука како мајка или како татко? Па за да го покажеш вистинскиот пат. Ако згрешиш, покажуваш друг, па трет пат, за да насочуваш. Не да го пуштиш детето со шест-седум-десет години само да одлучува со што ќе се занимава. Јас го насочив Новак – тогаш Јована рече дека Срѓан всушност самиот си противречи, на што тој детално објасни:
– Како не? Не го препознав тоа веднаш кај него. Јас сакав да биде скијач, целото мое семејство беше во тоа, а потоа се изградија тие тениски терени на Копаоник и останатото е историја. Новак не сакаше од почеток да биде тенисер, но кога видов дека им носи пијалоци и храна на тие што го градеа теренот и си играше пред локалот, му купив рекети. Така што, јас го насочив. Не директно дека мора, туку дека тоа е убаво занимање. Тој тоа не го прифати само како занимање, туку како фантастика, тоа за него беше најубава игра, и така е и денес – додаде таткото на најдобриот спортист на сите времиња.
