Лукашенко сака да разговара со Путин „за да ѝ покажат каде ѝ е местото на хиената на Европа“


Уште еден поткаст! Fat Cacko: Од гитара до Fat kitchen bistro и најдобриот бургер во градот ↓↓↓


Белорускиот претседател Александар Лукашенко најави дека планира да разговара со рускиот претседател Владимир Путин за тоа како на Полска „да ѝ покажат каде ѝ е местото“, откако од Варшава стигнаа изјави за спремност да учествуваат во конфликтот во Украина.

Лукашенко полскиот амбасадор во Франција Јан Емерик Рошчишевски, кој во интервју за француска телевизија кажа дека во случај на пораз на Киев Варшава ќе мора да влезе во конфликтот, го нарече луд.

„Тресна: Ќе се бориме против Русија. Сметајте дека од нас (Белорусија) ќе почнат. Што треба ние да правиме? Првото прашање за кое ќе разговараме со Путин е како да им покажеме каде им е местото“, истакна Лукашенко.

Зборувајќи за позицијата на Полска, која уште еднаш ја нарече „хиената на Европа“, Лукашенко истакна дека Варшава во моментов не е во позиција да води самостојна политика. „Таму се вселија Американците, нема ни суверенитет ни независност. Што и да кажат Американците, тие го прават“, оцени белорускиот лидер.