Кој ќе тепа на Ел Класико!? ↓↓↓
Македонскиот премиер Димитар Ковачевски, во придружба на владина делегација, е во официјална посета на соседна Бугарија.
Ковачевски беше пречекан со највисоки државнички и воени почести на плоштадот Александар Невски во Софија од страна на бугарскиот премиер Кирил Петков .
Петков и бугарската влада се домаќини на Ковачевски и министрите од нашата влада, на заедничката седница која ќе почне утре изутрина и ќе трае до доцна вечерта.
Премиерот на Македонија Димитар Ковачевски е втор кој во изминативе години, после кинескиот премиер, се пречекува во Софија со високи државно-воени почести.
Ова е четврта официјална посета на делегација од Македонија, а утре ќе биде одржана втора меѓувладина седница.
Двајцата премиери положија цвеќе пред споменикот на Кирил и Методиј и Незнајниот борец.
Попладнево, ќе го посетат и универзитетот „Св. Кирил и Методиј” во Софија. На крајот, агендата ќе заврши со отворање на канцеларија на државната медиумска агенција (МИА) во Софија.
