Шанса да станеш YouTuber! Приклучи се! ↓↓↓
После немилиот настан во Готовуша кај Штрпце во кој беа ранети две момчиња, Стефан Стојановиќ (11) и Милош Стојановиќ (21), а во Клокот беше претепан Стефан Томиќ (18) додека се враќал од божиќната литургија, во Штрпце се одржа протест на Србите од Косово.
Како што јави Н1, насобраните носеле транспаренти „Нема да ви ги простиме децата“, „Стефане, срце српско херојско“, „Пукањето во Стефан и Милош е истрел во срцето на Србија“, „Европо, за што се виновни нашите деца“, „Нашите деца не се за куршумот на Курти“.
Учесниците на протестниот собир носеле и транспаренти „Штрпце нема да го претворите во гето“, „Штрпце е срцето на Србија“, „Слобода за браќата“, „Вучиќ, чувај ги Србите и мирот“, „Косовска Каменица е со браќата од Штрпце“.
Protest u Štrpcu povodom napada i ranjavanja srpskih mladića pic.twitter.com/1W27qdWhoL
— Kosovo Online (@KosovoOnline) January 8, 2023
Со насобраните граѓани, покрај претседателот на општина Штрпце Далибор Јевтиќ присуствувале и претседателот на Српска листа Горан Ракиќ, потпретседателот Игор Симиќ и членот на Претседателството на Српска листа Славко Симиќ.
Главната порака на овој собир е порака за мир, изјави Далибор Јевтиќ за РТС.
Тој посочува дека ранувањето на децата на Бадник треба да биде последното предупредување за сите оние кои со политика и реторика влијаат врз поединци дека можат слободно да дојдат и да пукаат во децата кои носат бадникови гранчиња.
This is Stefan. He is 11 years old. He has been shot at today, on the Orthodox Christmas Eve, just because he is Serbian. Along with him, another young Serb, Miloš, who’s 21, has been shot at. Everyone should spare 2 min to look at the video. This image is a true face of Kosovo*. pic.twitter.com/8pKpUSNt8D
— Ana Brnabic (@anabrnabic) January 6, 2023
Тој забележува дека од КФОР и од косовската полиција е побарано да го зголемат своето присуство и да ја осигурат безбедноста за сите граѓани.
„Граѓаните со право се вознемирени. Нашите деца не се безбедни и тие се должни да ја осигурат таа безбедност“, рече Јевтиќ.
Тој додаде дека по тој повод, во наредните денови, по разговори со претставниците на секое место во Штрпце, ќе биде испратен уште еден официјален допис до овие институции.
